BEGOÑAKO ANDRA MARI IKASTETXEA: 2.lana

 Nola zabaltzen dugun IRAES 21 Hezkuntza komunitatean?

- Lehenengo IRAES 21-eko arduradunak EA21 lan taldeari IRAESeko helburuak eta nondik norakoak azaltzen dizkie.

- EA21eko taldean parte hartzen duten ekodelagatuek bere ikaskideei EA21eko urteko helburuak eta IRAES21 zer den azaltzen dizkie lehenego hiruhilabetean egiten den tutoretza batean.

- EA21 taldetik bi irakasle eta 4-5 ikasle IRAES21 taldea osatzen dute. Bertako partaideak bolondresak dira.

- Ikas komunitate osoari eskolako plataformaren bidez informazioa bidaltzen diogu eta etapa desberdinetako txoko berdeetan, paneletan, IRAES21 eko informazioa eta blogaren helbidea kokatzen da ikasleek blogean sartu ahal izateko.

IRAES 21eko azpiegitura nola finkatu dugu?

Aurtengoa da sare honetan sartzen garen gure lehenengo ikasturtea eta EA21 taldean dauden irakasleen gehiengoa berriak gara proeiktuan, beraz aurtengo helburua IRAES21n lehenngo pausuak ematea izango da. Hurrengo ikasturteetan indar gehiagorekin arituko gara eta IRAESen parte hartzea indartuko dugu.

2.hiruilabete honetan EA21eko erritmoa hartuta daukagunez IRAES21i garrantzi handiagoa emango diogu eta ikasturtean zehar egindako experientziak zabalduko ditugu.

Aita Larramendi Ik: 2.lana

IRAES 21eko ikasturteko 2. lana.

Kaixo IRAESerook! Iaz eskola jasangarriaren ziurtagiria lortu genuen eta aurten lehendabiziko urtea da IRAES-eko partaide garela. Lehen urtea izaki, ikasten ari gara.

 IRAES 21 Hezkuntza komunitatean zabaldu

IRAES 21 hezkuntza komunitatean zabaltzeko bide desberdinak erabili ditugu. Ikasturte hasierako klaustroan Agenda 21en proiektua eta ikastolako beste zenbait proiektu bezalaxe aurkeztu zen. Gurasoei zuzenduriko aurkezpena web orriaren bidez egin zen, eta Agenda 21eko proiektuaren barruan txoko bat du IRAES 21ek.

 IRAES 21eko azpiegitura antolatu eta finkatu
IRAES 21ko azpiegitura antolatzeari eta finkatzeari dagokionez, DBH 2., 3. eta 4. mailetan IRAES 21 zer den azaldu zitzaien (Agenda 21ko ordezkariak) eta lan taldea osatzeko bolondresak eskatu ziren. Ikasle mordoak agertu zuen interesa eta azkenik maila bakoitzeko bi ikasle hautatu ziren. 6 ikaslek osatzen dute gure Ikastolako Iraes 21 ikasleen taldea, behean dauden horiek dira:

Hilean behin biltzen gara bilerak eta lanak egiteko. Oraingoz autonomia gehiegirik ez dute baina ikasten ari gara.

Axular Lizeoa: 1.lana

Nola zabaltzen dugun IRAES 21 Hezkuntza komunitatean?

1.- Ikastolaren lehen eguneko klaustroan proiektuen errepasoa egiten da.

EA21eko proiektuaren baitan IRAES taldearen nondik norakoak azaltzen zaizkie irakasleei.

2.- Familiei webguneko proiektu eta berrien bidez komunikatzen zaie

3.- Ikasleen gela guztietan IRAES eko taldekideak taldearen berri eman eta dokumentua zintzilikatu dute.

4.- Ikastolako EKOLOGUNEAN zintzilikatu dugu taldearen informazioa

5.- Udaletxeko IAK (Ingurumen aholkularitza kontseiluan)  gure taldearen berri

IRAES 21eko azpiegitura nola finkatu dugu?

·         Iraunkortasun eskolen sarean sartzeko egindako kanpo ebaluazioan ikasleen protagonismoa bultzatzea azaltzen zen hobekuntza esparru modura.Horrela dago jasoa ebaluazioko txostenean.

·         Honi so eginez 2-3 urtetako iraunkortasuna  duten ikasleekin taldea osatzea erabaki genuen. Horrela sei ikaslek osotutako taldea eratu genuen. Gaur DBH4ko ikasleak.

·         Aurtengo erronka DBH3ko ikasleren bat integratzea da.

·         Gure antolaketan IRAES taldekideak Ingurumen batzordeko kide dira. Urtean burutzen ditugun bizpahiru bileratan partehartze aktiboa burutzen dute: Guraso irakasle eta ez dozenteei sentsibilizazio PPT aurkeztuz eta egindakoaren berri emanez.

·         IRAES taldekideak Donostialdeko Cristina Eneako foroetan eta Udaletxeko foroetan parte hartzen dute

SAN VIATOR IKASTETXEA: 2. lana.

- IRAES 21 Hezkuntza komunitatean zabaldu.
Zelan egin duzue? Protokoloren bat? Ekintzaren bat? Argazkirik edo aurkezpenik?
IRAES talde osatu eta gero, klaustroan aurkeztu dugu taldea eta egindako lehen ekintzak. Gure helburuak azalduz gain, bidaltzen dizuegu hurrengo bideo ere jarri diegu.
Sopuertako alkatearekin bildu gara baita, IRAES taldea eta komando berdeko partaideek beren lana aurkeztu dute.
Gure lanak, ikastetxeak dituen blog ezberdinetan zein txoko berdean eskegitzen ditugu.

C. Vizcaya: 1. lana

IRAES 21 Hezkuntza komunitatean zabaldu.

Zelan egin duzue? Protokoloren bat? Ekintzaren bat? Argazkirik edo aurkezpenik?

IRAES 21eko azpiegitura antolatu eta finkatu. Zelan egin duzue? IRAES TALDEA zelan osatzen duzue?

Ekodelegatuen artean, 10 laguneko talde boluntarioa sortu zen, eta ostegun batzuetan biltzen dira. Haien argazkia Ikastetxeko aldizkarian agertu zen.

Momentuz, lanak egiten saiatzen ari dira.

Oso egokia iruditzen zait zuek bidalitako lanak haiek egiteko, hórrela badago modu bat erlazionatzeko.Hala ere, arratsaldeko atsedenaldietan biltzen dira, eta batzutan hasten dira lan egiten eta gero ez dute amaitzen, uzten dute beste ostegun baterako…

San Jose Floreaga: 2.lana

Aupa! Berandu hasi gara lan hauetan baina... aurten ziurtagiria berritzea tokatzen zaigu eta hemen ari gara lan eta lan.

Nola zabaltzen dugun IRAES 21 Hezkuntza komunitatean?

-Ikasturte hasieran, klaustro bat izaten dugu plangintza desberdinak aurkezteko eta han IRAES 21en berri ematen dugu.

-CONFINTeko lau adierazpenak "Txoko Berdean" izan ditugu eta ondoren ikastetxeko pasiloetan ipini ditugu plastifikaturik. Bosgarrenarekin berdin egingo dugu, lehendabizi txoko berdean eta ondoren toki finko batean.

-Gure ikastetxean komunikatzeko asko erabiltzen dugu ikastetxeko web orria, bertan informazio ugari aurkitu daiteke edozein gaietaz.     

-Alkatearekin hitzordua eskatu genion IRAES 21 eta Confintari buruz hitzegiteko eta lortu dugu Udalaren webean agertzea.

Ikus:

    http://www.azkoitikoudala.info/es/component/content/article/1675-

Horrelako ekintza ugari egin izan ohi ditugu.

IRAES 21eko azpiegitura nola finkatu dugu?

LHko hirugarren zikloko eta DBHko ikasleak izan dira IRAES 21 taldean. Koordinatzaile lanetan EA 21eko bera. Badakit askotan esan dezuela komenigarria dela beste bat izatea, baina momentu honetan egia esan behar bada ni neuk dut honen ardura.

Baina ikasturte honetan diferente egin dugu. Ziurtagiria dela eta,  IRAES 21 taldea aurretik ere ordezkari moduan lanean aritutako ikasleekin osatu dugu.

Eta... lan asko dugunez, momentu honetan "ikasleek" nahiko independiente dabiltza. Gaur bertan bildu dira bakarrik hirugarren lana egiteko. Aurreko ikasturtetan neu izaten nintzen bilera hasieratan, pixka bat azaltzeko baina orain beraiek elkartzen dira eta zerbait behar izanez gero badakite non nagoen.

Egia da, gu alboan izanez gero lan "hobea" egingo zutela, baina oso zaila da adieraztea zein ondo sentitzen naizen, gure ikasleak autonomi osoz lan egiten ikusteaz. Beste abantaila bat ere badu honek, gure zama txikitzen da.

Adierazleak; ez dakit honetaz ari garen baina hor doa.

IRAES 21 taldeak egiten duen lanarekin honelako adierazleak identifikatu ditzaket:

• Ondorioak ikasleengan  
• interesa erakutsi du
•  koherentziaz jarduten du
•  informazioa bilatzeko gai da
•  informazio-iturri desberdinak erabiltzen ditu, informazioa tratatzeko prozedurak aplikatuz
• ingurumen –gaietan inplikatzen da
•  egoera aldatzeko alternatibak proposatzen ditu
• jarrera kritikoa erakusten du baliabideak erabiltzerakoan eta proposamenak formulatzerakoan  
• ardurazko jarrera erakusten du 
• konprometitzen da  
• norbere eta besteen jardunbideak baloratzeko gai da
• azalpenetan hizkuntza egokia erabiltzen du 
• koordinazio ahalmena.

B Beno ba, berandu bidalia baina....

Ondo izan

Olatz

Elgoibar ikastola: 2. lana

• IRAES 21 Hezkuntza komunitatean zabaldu.

Ikasturteko hasierako klaustroan  ( gure klaustroan Ikastolako langile guztiak biltzen gara, irakasle eta ez irakasleak ) azaldu zen eta baita ere geletan egiten diren famili bileretan , hortaz aparte web orrian eta Agenda 21eko blogean hainbat ohar  jartzen ditugu.

• IRAES 21eko azpiegitura antolatu eta finkatu.

Ikasturte hasieran Agenda21eko  egitura osatzen dugu, horretarako Irakasleak, bakoitzak bere zikloan ordezkari bat hautazen du, Ingurumen Batzorderako. Zuzendaritzakoek berdin.Mantenu arduraduna bat denez bera dago hasieratik batzordean, eta ikasleak geletan botazioz aukeratzen dituzte, ikasle bat Agenda21etarako, beste bat euskeraren batzorderako eta beste bat gelako arduraduna izateko. Hau LH 5. mailatik aurrera, baina Agenda 21eko kasuan LH 3. mailatik hasten gera.

Ingurumen Batzordea elkartzen denean, bertan bileren maiztasuna eta eguna eta ordua zehazten da, gutzxi gora behera batzorde guztiarena 3 edo 4 izaten dira eta hortik sortzen dira beste bi batzorde bat talde sustatzailea  eta ikasleen batzordea, hauek ere lehenengo bileran egutegia eta ordutegia finkatzen dute.

IRAES taldekoek Ikasleen Batzordetik irtetzen dira, eta LH 5-6 eta DBH 1-2 mailakoa izaten dira. Gero lan desberdinetarako hauek bere laguntzaileak topatzen dute beste ikasleen artean eta lanak banatzen dituzte.

Hemen bidaltzen dizuet batzorde  batzuen argazkiak.

Arrasate BHI: IRAES21eko ikasturteko 2. lana

Aurtengo partaideak: gela bakoitzeko ikasle 4- 6 ikasle bildu genituen aretoan. Bertan beste urteetan Agenda21-eko partaideak izandakoak zeunden eta irakasleekin edo tutoreekin hitzegin ondoren, interesa azaldu zutenak. Egia esan ez zekiten ondo zertara zetozen, ingurumena interesatzen zitzaiela bai baina ez zer zen IRAES. Horregatik aurkezpena bat prestatu genuen, http://ag21arrasate.blogspot.com.es/2013/12/blog-post.html, eta benetan parte hartzeko asmoa zuten artean aukeraketa bate gin beharra izan genuen. Nahi genituen 4-6 ikasle aukeratu, baina azkenean erabaki genuen kurtso bakoitzeko bi ikasle hartzea hasierako kurtsoetan, eta kurtsoko zozketaren bidez aukeratu ziren ikasleak.

Irakasleei  klaustro batean aurkeztu zitzaien zer zen, eta zein zen gure eginkizuna.
Orain ikastetxeko diagnostikoan aprobetxatzera goaz, IRAESi buruz galderaren bat sartzeko http://www.ag21arrasate.blogspot.com.es/2013/11/ikastetxeko-diagnostikoa-bioaniztasuna.html, ia benetan adi egon ziren gure azalpenetan.

Maria ta Jose: 2. lana

• IRAES 21 Hezkuntza komunitatean zabaldu. Zelan egin duzue? Protokoloren bat? Ekintzaren bat? Argazkirik edo aurkezpenik?

Iraes 21 taldea osatzen dugunean, ikastetxeko web orrian egiten dugu aurkezpena. Ekintza desnerdinak klaustroetan komentatzen dira. Ikastetxeko solairu desberdinetan dauden Txoko Berdeetan lanak aurkezten ditugu.


• IRAES 21eko azpiegitura antolatu eta finkatu. Zelan egin duzue? IRAES TALDEA zelan osatzen duzue?

Kurtso hasieran geletan Agenda 21eko ordezkarien bozkaketa egite da, beraiek aukeratzen dute gelako ordezkaria agenda 21ari dagokionez. 1., 2. eta 3. DBHko ordezkariek eratuko dute IRAES 21 ikasleak taldea. 

San José Carmelitas (Santurtzi): 2. lana

IRAES 21eko ikasturteko 2. lana.

Ikasleek beraien lanak hasten diren bitartean, sarea hiruhilabeteko honetan lan hauek garatzeko geratu zen:

• IRAES 21 Hezkuntza komunitatean zabaldu. Zelan egin duzue? Protokoloren bat? Ekintzaren bat? Argazkirik edo aurkezpenik?

Klaustroetan kontatzen ditut egindako ekintzak.

Ikasleek ikastetxeko hormetan jartzen dituzte kartelak blog-aren helbidearekin azaltzeko zer den IRAES.

Ingurumen Batzordearen bileran ere azaltzen da zer den IRAES.

 
• IRAES 21eko azpiegitura antolatu eta finkatu. Zelan egin duzue? IRAES TALDEA zelan osatzen duzue?
Nik (IRAES arduraduna) Ingurumen Batzordearen partaideen artean boluntarioak eskatzen ditut IRAES taldea osatzeko. Gehiegi badira irakasleok aukeratzen ditugu portaera, euskara hitz egiteko erraztasuna, edo “soltura” kontuan hartzen.

Gero, lan egiteko orduan, IRAES taldea batzen dut, azaltzen diet zer egin behar duten, noizerako eta uzten ditut lana antolatzen. Haiek bakarrik egiten dute eta materialaren bat (argazki-kamara, kartulinak edo) behar badute, eskatzen didate.

Antolamendua nahiko librea da. Aurten badaukate ordenagailu bat IRAES gauzekin (aurreko argazkiekin, aurkezpenekin, …) haiek erabiltzeko.

Aurten gure IRAES taldea hau da: DBH 1-tik DBH 4-ra

Franciscanas de Montpellier: "IRAES Kurtso berria"

Franciscanas de Montpellier Ikastetxean , Trapagaranen, 

Kurtso guztiok  IKASLEEN DEIA ETA BUSTURIAN EGINDAKO ESKUTITZAren SINADURA jarri dugu lehenengo ekintza izateko,

Egiten dugu klasean, Tutoretzan. Eta horrekin IRAES KURTSO BERRIA irekiten dugu. Hona hemen nola geratzen da klaseko txoko berde batean.

 

 

IRAES 21eko ikasturteko 2. lana.

Ikasleek beraien lanak hasten diren bitartean, sarea hiruhilabete honetan lan hauek garatzeko geratu zen: 

• IRAES 21 Hezkuntza komunitatean zabaldu. Zelan egin duzue? Protokoloren bat? Ekintzaren bat? Argazkirik edo aurkezpenik?

• IRAES 21eko azpiegitura antolatu eta finkatu. Zelan egin duzue? IRAES TALDEA zelan osatzen duzue?

• Bloga zalantzak argitzeko/laguntzeko tresna ere izan behar da. Animua! Denok laguntzeko prest!

• Ekintza hauei buruzko adierazleak proposatu eta erabili. Zuen proposamenen zain gaude lo egin barik.

Beno, puntu hauek garatzeko garaia heldu da. Zuen ekarpenak espero ditugu. Badakizue: 21iraes-a bildua-gmail.com e-helbidera mezu bat bidaltzen.

Bitartean honekin gozatu:

IRAES 21: Azarorako aurreikusitako lanak

Gogoratzen dizkizuegu garai honetako lanak:

 

 

• IRAES 21 eta EA21eko eragina inguruan neurtzeko adierazle bateria bat sortzea. EA21eko eta IRAES 21eko eragina inguruan, hezkuntza komunitatean, herrian, erkidegoan…Adierazle komunak sortu:
• Parte hartzea: ingurumen hezkuntzaren barnetik neurtuta (eragina baimentzen duelako, zentroko esperientziak aginduta, asebetetze inkestak…)
• Kudeaketa: aurreko ikasturteko konpromisoen jarraipena, lorpenak, hobekuntzak…     
• Eta blogak berak ematen dituenak: ikastetxeen ekarpenak, ikasleenak, zenbat sarrera, zenbat proposamen, esperientzia, elkartruke…

Urriko lanak

Gogoratzen dugu URRIko lanak zeintzuk diren:

• IRAES 21 presentzia areagotzea ikastetxean, ikusgarritasuna handitzea. Horretarako:

          o         Ikasleek sarearen ikusgarritasuna handitu behar dute.

• IRAES 21 eta Eskolako Agenda 21 uztartzea. Horretarako:

          o         Ikastetxe  barruan IRAES 21 sareak egiten duena IRAES TALDEAk komunikatzea

          o         IRAES TALDEAk hobeto jakin EA21en egiten dena.

Beraz, esperientziaren bat erakutsi, kontatu edo konpartitu nahi baduzu, hona hemen lekua baduzu. 

Animo eta ondo izan!

Azarorako zeuden lan-ildoak zabaltzen ditugu

Hona hemen helburuekiko ikastetxeen esperientziak, burutazioak eta ekimenak jarriko dira.
Kronogramaren arabera joango gara zabaltzen eremu ezberdinak. Orain urrikoak.

AZAROAN MARTXAN JARTZEN DIREN LAN-ILDOAK:
 

a. Hitzaldiak antolatzeko edota lankidetza izateko zerrenda egin ikastetxeen esperientziatik abiatuta eta baloratuta.
b. Ikastetxeko proiektu ezberdinen arteko koordinaziorako lagun bat jarri.
c. Egitura bat sortu ikastetxean EA21 eta IRAES 21 trebatzeko. e. IRAES 21 sarea beste sare batzuen parte dela aldarrikatu.

Kezkatu barik, baina ahaztu gabe: ikasturte osoa daukagu hauek ere garatzeko. Aurreko lan-ildoak ere zabalik mantentzen dira zuen ekarpenen zain.

Gogoratu: "Zure ekarpenak" fitxan klik egin edo 21iraes-a bildua-gmail.com posta elektronikora (eransten baduzue fitxategiren bat) mezu bat bidali lan-ildo hauek garatzen joateko.

Lehenengo, blog sarrera moduan jarriko ditugu eta gero dagokion orrialdetara pasako ditugu.

Mila esker eta animu guztia parte hartzeko.

Ekarpenak

Hona hemen helburuekiko ikastetxeen esperientziak, burutazioak eta ekimenak jarriko dira.

Kronogramaren arabera joango gara zabaltzen eremu ezberdinak. Orain urrikoak.

URRIAN, MARTXAN JARRI DIREN LAN-ILDOAK:

f. IKASLEEN DEIA sinatu, zabaldu eta beste pertsonak, ikastetxeak edota erakundeak sinatzen animatu.
g. Brasileko ARDUREN GUTUNA zabaldu.
j. IRAES 21 Taldeari autonomia eman.
k. Iraunkortasunerako hezkuntza prozesuak sendotu.
l. Komunikazioa zabaltzeko Ingurumen batzordeak Blog bat sortu .
n. Confint-ean parte hartu.

"Zure ekarpenak" fitxan klik egin edo 21iraes@gmail.com posta elektronikora (eransten baduzue fitxategiren bat) mezu bat bidali lan-ildo hauek garatzen joateko.

Lehenengo, blog sarrera moduan jarriko ditugu eta gero dagokion orrialdetara pasako ditugu.

Mila esker eta animu guztia parte hartzeko